Tarucing Sanghiyang Talaga Pancuran

Tarucing anu ka dua

Naon nu leuwih beurat tibatan taneuh?

Tarucing sanghiyang talaga pancuran nu ka dua

STP               : nu kadua……Naon nuleuwih beurat tibatan taneuh?

Cepot            : jawab behhh!!!

Dawala          : Paaa,,,,waleur pa!!

Ua Semar      : Anu leuwih beurat batan taneuh??

STP               : Enya

Ua Semar    : nyaeta kanya’ah, ka asih, kadeudeuh ibu rama ka putra. Sarebu kali deudeuh batur, sarebu kali nya’ah batur teu leuwih nya’ah tibatan nu ngancik di Ibu Rama. Malahan ka nya’ah ka asih ibu rama ka putra estu teu aya nu mapagahan batur, kaluar tina ati sanubari.

STP               : Aya leuwih na ti kitu semar!!!

Ua Semar      : Ah teu aya

STP               : bodo maneh

Ua Semar      : ehh eunya aya nu leres,,,aya aya aya

STP               : coba ,,,naon leuwih na ti kitu??

Ua Semar      : kadeudeuh, kanya’ah, ka asih ibu rama ka putra aya kalana la’as.

STP               : naon sabab??

Ua Semar   : margi manusa keuna ku robah. Lamun seug eta kanya’ah, kadeudeuh, ka asih teu ditarimakeun ku putrana ku jalan tekad, ucap, lampah anu matak tiasa ngagaleuh galih ibu ramana sok rajeun la’as. Jadi upami kitu netelakeun sanes kanya’ah, kaasih ibu ramana, tapi rohmat atanapi welas asih kagungan Pangeran. Da ibu ram amah nu kawelasan nu kaasihan nu kanya’ahan, da kanya’ah mah kurunyungna tina galih atanapi qolbu anu murni. Tiap qolbu murni didinya kanya’ah ka asih bakal ngancik, tapi dimana qolbu kotor didinya kaasih bakal luntur. Ari cukang lantaran nana, kukabedegongan, kawangkeulangan, kabasangkalan, kakurang ajaran, kacumantakaan putra.

STP              : bener,,,2 bisa kajawab